راية بيضة (أوشين)

وأنا بين إخواتى سمعت صوت القنابل
سألت ماما قالت لى جيش غدار وقاتل
طلعت بصيت فى السما لقيت ورق مرمى علينا
سألت ماما قالت لى بيقول سلموا تبقوا فى عنينا
وسألت تيتة بوشوشة إزاى يا تيتة نستسلم ؟
قالت لى نرفع راية بيضاء فوق بيتنا وبلاش نتكلم
وواحدة واحدة أخدت طرحة تيتة البيضة
وطلعت فوق بيتنا وربطها بشريطة
ونزلت أجر أوام وأنا حاضنة لعبتى
من خوفى قلت أنام تدارينى مخدتى
وشفت فى الأحلام ورد وأمان وسلام
وصحيت على الألغام وصرخت جدتى
وفضلت أجرى وأنادى عن الناس فى قريتى
أتارى الكل رافع راية بيضة
أتارى الكل رافع راية بيضة
أتارى الكل رافع راية بيضة