اخبار الادارة ايه

ايه ياجماعة
ازيكم يااحرار يارب تكونوا بخير
انا عاوز من كل واحد بكل حرية يدخل يقول ايه رايه فى المنتدى
وايه رايه فى الاعضاء والادارة
واللى عنده اي تعديل فى الادراة يتفضل مبجلا يقول رايه

بس بكل احترام

عاوزين نعرف ارائكم الادراية ايه

اقتباس :: بجد بصراحه الاداره جميله جد خصوصا وان في تفاهم بين الاعضاء وبين الادمن

المنتدي اتغير جامد جدا بعد تغيير اللون واصبح في مشاركه من الاعضاء وفي مجهود كبير بقي بيتمل

بس انا شايفه ان تقريبا المنتدي فيه 54 عضو مفيش تفاعل تقريبا الا من 6 اعضاء

طبعا فى الاول نرحب برايك ياساسو
اكيد فى تفاهم كبير بينا وبين الادمن واكيد ده واضح من خلاص التغييير اللى حصل فى المنتدى
اكيد ان الاعضاء لازم يشاركوا معانا فى المنتدى مش بس تسجيل وخلاص
لازم يبقي فى مشاركة فعالة من الاعضاء خليكوا نشيطين على طول

اقتباس :: عندي بعد الاقتراحات بعد اذن الادمن طبعا

يشرفنا طبعا ان احنا نعرفها

اقتباس :: 1)فتح منتدي رياضي خاص بكل اخبار الرياضه وممكن محمد سالم يساعدنا في القسم ده باعتباره مدمن كره طايره ههههه

يكون ليا الشرف طبعا ان انا اكون مسئول عن حاجه انا بحبها Basketball

اقتباس :: 2)انا شايفه ان قسمي الشباب والفتيات ممكن نضمهم تحت قسم واحد نسميه قسم الشباب وطبعا القسمين هيكونوا منفصلين داخل القسم الواحد

فكرة حلوة برده ياساسو ان احنا نضمهم على بعض

اقتباس :: 3)انا شايفه ان احنا ممكن نفتح قسم نسميه(صفحات طبيه وصيدليه) او (صحتك بالدنيا) نقول فيه كل الحاجات اللي تخص الصحه وكده يعني انا ممكن افيدكم فيه جدا

ممكن برده قسم طبى عشان اى حد تعبان نقدر ان احنا نفيده واكيد هايبقي معانا الدكتورة سارة lol!

اقتباس :: 4)في حاجه شفتها في منتدي اخر وعجبتني ان كل عضو ياخد لقب علي حسب عدد مشاركاته بمعني

العضو اللي عدد مشاركاته من

(0_100)عضو جديد

(100_200) هضو مشارك

(200_300)عضو نشيط

(300_400)عضو مميز

(400_500)عضو محبوب

(500_600)عضو مشاكس

(600_700)عضو رهيب

(700_800)عضو فلته

(800_900)عضو جامد

(900_1000)عضو متفرغ للمنتدي

والمشرفين بياخدوا لقب (مشرف)

الادمن بياخد لقب(الدعم الفني ) او (المودير) معايا؟ ههههههه

طبعا الالقاب دي بتتكتب تحت الصوره الرمزيه او تحت اسم العضو

ده بيشجع ان كل واحد يتنافس عشان يحصل علي اللقب بالتالي هيكون في اقبال علي المنتدي وفي مشاركه وتفاعل

فكرة حلوة اوى ان كل واحد ياخد لقب بحسب مشاركته عشان كل الناس تشارك
وكمان لما واحد مش يشارك او يتفاعل مع المنتدى بعد مرور سنة نقدر ان احنا نحذف التسجيل بتاعه
عشان حد غيره يقدر ان هو يسجل باسمه

اقتباس :: 5)ممكن نعمل حاجه اسمها تذكير يعني مثلا حد عيد ميلاده نكتب تحت بجانب المتواجدين عيد ميلاد الشخص نرسم جمبها تورته انا مش جعانه علي فكره هههههههه ممكن نحتفل بمرور سنه علي انشاء المنتدي

فكرة جامده برده ان يبقي فى تذكير للاعضاء بغيرهم على الاقل عشان يبقي فى تواصل للاعضاء اللى عارفين بعض بكده
ويكون للمنتدى دور فى ان هم يعرفوا حاجه عن بعض
بس ياريت مفيش ناس تستخدم ده فى طريق غير مشروع
يعني مش يعرف حاجه عن العضو التانى ويدخل يقوله انا عرفت وبتاع عشان يتعرف عليه
واكيد اللى يعمل كده هايبقي فى عقاب عليه
وبما انى فى كليه حقوق هايبقي فى عقاب مجزى وعلى قدر الخطأ المرتكب

اقتباس :: ياااااااارب تكون الاقتراحات كويسه وتنال اعجابكم

اكيد ياسارة اقتراحاتك جميلة جدا واكيد الادمن محمود بك هاياخد بيها ويفعلها فى المنتدى

اقتباس :: شكرا محمد علي فتح باب المناقشه في هذا الموضوع

العفو ياسارة لا شكر على واجب الاهم ان المنتدى يبقي على قدر من التخابر والتفاعل بين الافراد
وياريت كل الناس تدخل وتقول رايها عشان نعمل باللى مناسب للمنتدى ويكون على قدر المسئوليه

والف شكر ياسارة على مشاركتك الجميلة دى واكيد استفادنا منها